Константин Кајшаров е добро прочуен помеѓу голем број на луѓе во Република Македонија по своите исцелителски способности во последниве неколку години. Константин успеа да се пробие со помош на својата харизма и погрешни разбирања од областа на медицината и физиката. Еден од многубројните исцелители кои со мала доза на лажна елоквентност успеваат да остават впечаток на образованост и го поттикнуваат чувството на "знае што кажува", Константин ја прошири својата агенда со помош на продажбата на неговите цедеа за медитација и измислиците кои ги промовира како реалност на неговата веб-страна.
"Био Електричниот Анализатор на телото вклучува иновативни проекти од високата технологија од областа на медицината, био-информатиката, електричниот инжењеринг и други науки..."
-На неговата веб-страна, Константин ги опишува способностите на неговиот Електричен Анализатор. Но сепак, Електричниот Анализатор не може да биде искористен од страна на докторите и другите медицински лица за помош при дијагностицирање на широкиот спектар на болести кои Константин тврди дека анализаторот може да ги дијагностицира.
Само просветлениот Константин знае како да го користи овој софистициран анализатор кој
најверојатно, во најдобар случај е некоја форма на лажна апаратура без никаква функција.
"Преку држење на сонда се одредуваат фреквенциите и енергијата од магнетното поле кои потоа се споредуваат со резонантните фреквенции на одредени болести, состојби и
нутритивни вредности кои веќе се експериментално одредени и потврдени. Според оваа вредност се одредува природата на болеста или дисбалансот. Со оваа анализа добивате увид во целокупната состојба на телото, односно кардиоваскуларен статус, состојба на коските, витамински и минерален статус, хормонален статус, статусот на внатрешните органи, шеќер во крвта, состојба на кожата, токсини во крвта итн."-Продолжува Константин, опишувајќи ги придобивките од сознанијата кои се неизбежни доколку го користите неговиот Анализатор.
Еден од познатите синдроми на новите форми на духовност е "едно нешто кое може да го открие и излечи секој проблем (омни-лек)". Како и поголемиот дел од "new age" духовниците, Константин пробува да ги измеша неговите изветоперени ставови за тоа што е медицината и каков е начинот на кој функционира човечкото тело со религијата и другите форми на духовност. Со тоа, тој успева да опфати повеќе "класи" на обожаватели. Неговата филозофија за природата на универзумот е лесно прифатлива како за средовечната религиозна домаќинка, така и за модерниот тинејџер кој медитира и ја проширува својата свесност отварајќи ги своите чакри.
Сакаш ли да оставиш впечаток на човек кој е образован и стручен во некоја област? Почни да зборуваш за електромагнетни бранови, фреквенции и сонди. Надевај се дека 99% од популацијата која ќе ги прочита твоите објаснувања, нема да разбере што кажуваш и најверојатно ќе помисли дека знаеш за што зборуваш.
http://www.konstantin.com.mk/holisticka_analiza.htm
Константин исто така се повикува и на методите кои се користат во таканаречената "Бачова Терапија". Едвард Бач, чиишто алтернативни медицински практикувања се многу слични со
тие на хомеопатијата, сметал дека росите на цвеќињата имаат лековито дејство.
Константин ги поврзува хомеопатијата, росата на цвеќето, христијанството и масажите со вулкански камења за да може да го создаде своја оригинална њу ејџ склопка. Повеќето њу ејџ спиритуални глупости, се таков тип на склопки. Мешавини од запдна холистичка медицина, источна алтернативна медицина, религии, спиритуални движења, редови, шаманизми, сво тоа у една огромна турлитава.
Воедно, вулканските камења на Константин помагаат за лекување на:
-работохолици
-луѓе со ниска самодоверба
-панични напади
-други болести на мускулите, според Константин.
Начинот на кој камењата успеваат да помогнат на болните од панични напади или тинејџерите кои не веруваат во своите способности и изглед, останува мистичен за обичните смртници и науката.
http://www.konstantin.com.mk/bacova_terapija.htm
http://www.konstantin.com.mk/masaza.htm
Константин е познат и на музичката сцена...
Секогаш е добро да се има алтернатива кога се работи работа која е непостојана. Намената на неговите песни е да послужат како стимул за постигнување на подлабока состојба на смиреност и баланс при медитирањето.
"Вдишете воздух кој е исполнет со светлина..."
-Невино започнува воведот во едно од неговите видео упатства...
Искрено, за разлика од поголемиот дел од видеата со упатства за медитација, ова видео го доживеав како страшно и бизарно. Но сепак, тоа е субјективна проценка. Постојат луѓе кои уживаат во ваквиот вид на видеа.
На неговата веб-страна најдов нешто многу интересно. За момент помислив дека Константин е човекот кој е пратен од Господ за со љубов и радост да го пренесе Словото Божјо кое говори за ирелевантноста на материјалните добра и тогаш го најдов ова...
"Молитвената терапија не се наплатува. Режиските трошоци на Центарот и фирмата се подмируваат на начинот што клиентите ги КУПУВААТ останатите третмани од
кинезитерапијата, како масажи или третирање со апарати, во зависност од проблематиката. Овие третмани се земаат поединечно или се вклучени во ПАКЕТ кој содржи повеќе услуги. Во зависност од интересот, можноста и потребата на клиентот се избира СООДВЕТЕН ПАКЕТ. Ви благодариме на вашето разбирање и што на овој начин ни помагате да ги шириме Живото Слово на Господ Исус Христос преку дела и проекти."
Пакет!
Сакате ли да земете постпејд понуда со 99 ден. на час или пак го сакате пакетот од 599 ден.?
Колку што успеав да разберам од неговата веб-страна, сектата која Константин ја застапува се нарекува Света Мугра (Holy Dawn). Веб-страната на Света Мугра е нефункционална или пак затворена поради некоја причина. Пробав да побарам повеќе информации околу тоа религиозно движење но не најдов ништо полезно.
Доколку имате некои сознанија за Света Мугра, пишете ми на:
harikacanovski@yahoo.com
0 comments:
Post a Comment